ක්‍රීඩාවේ දූෂණ වැළැක්වීමේ සඳහා ක්‍රීඩා අමාත්‍ය හරින් ප්‍රනාන්දු විසින් ඉදිරිපත් කරන ලද පනත පාර්ලිමේන්තුවේදී විවාදයට ගැනීම සඳහා අද (නොවැම්බර් 11 වෙනිදා) පාර්ලිමේන්තුව පෙරවරු 11.00 ට රැස්වීමට නියමිතයි.
ක්‍රීඩාවට සම්බන්ධ වැරදි වැළැක්වීම උදෙසා කෙටුම්පත් කරන ලද මේ විශේෂ ක්‍රීඩා පනත නොවැම්බර් 7 වෙනිදා පාර්ලිමේන්තුවේදී විවාදයට ගැනීමට නියමිතව තිබුණ ද යම්කිසි ප්‍රමාද දෝෂයකින් හෝ අතපසුවීමකින් එය න්‍යාය පත්‍රයට ඇතුළත් ව නොතිබිණි.
මේ සම්බන්ධයෙන් ක්‍රීඩා අමාත්‍යවරයා පාර්ලිමේන්තුවේදී ප්‍රශ්න කළ අතර අදාල පනත නැවත සලකා බැලීම සඳහා පාර්ලිමේන්තුව කැඳවන ලෙස හෙතෙම අග්‍රාමාත්‍යවරයා ගෙන් ඉල්ලා සිටියේය.
ඒ අනුව විශේෂ සැසිවාරයක් සඳහා පාර්ලිමේන්තුව කැඳවීමට අග්‍රාමාත්‍යවරයා තීරණය කළේය .
Be the first to comment