பங்களதேஸில் இடம்பெற்று வரும் முத்தரப்பு இருபதுக்கு 20 கிரிக்கட் போட்டித்
தொடரில் ஆப்கானிஸ்தான் மற்றும் பங்களாதேஸ் அணிகளுக்கிடையேயான
போட்டியில் பங்களாதேஷ் அணி 4 விக்கட்டுக்களால் வெற்றி பெற்றுள்ளது.
இந்தபோட்டியில் நாணய சுழற்சியில் வெற்றிபெற்ற பங்களதேஸ் அணி முதலில்
களத்தடுப்பை தேர்வு செய்தது. இதன்படி முதலில் துடுப்பெடுத்தாடிய
ஆப்கானிஸ்தான் அணி நிர்ணயிக்கப்பட்ட 20 ஓவர்கள் நிறைவில் 7
விக்கட்டுக்களை இழந்து 138 ஓட்டங்களை பெற்றுக்கொண்டது.
பதிலுக்கு துடுப்பெடுத்தாடிய பங்களாதேஷ் அணி 19 ஓவர்கள் நிறைவில் 6
விக்கட்டுக்களை இழந்திருந்த போது வெற்றியிலக்கை அடைந்தது. இந்த
முத்தரப்பு இருபதுக்கு இருபது கிரிக்கட் போட்டித் தொடரின் இறுதி போட்டியில்
பங்களாதேஷ் மற்றும் ஆப்கானிஸ்தான் அணிகள் மோதவுள்ளன.
Be the first to comment